Mangfaldsrådgivar

Alle har rett til å bestemme over eige liv

Mangfaldsrådgivarane frå IMDi jobbar for at unge menneske skal ha moglegheit til å bestemme over eigne liv. Uansett opphavsland, etnisitet, religion, kjønn eller seksuell legning har alle som er i Noreg rett til å leve eit fritt liv og krav på beskyttelse mot negativ sosial kontroll, tvangsekteskap, kjønnslemlesting og andre former for vald.

Alle har rett til å vere seg sjølve og til å fritt kunne velje venner, klede, kjærast, yrke, religion, politisk tilhøyrsel, seksuell legning og ektefelle. Når unge opplever så sterk kontroll at det bryt med retten deira til frie liv, blir det kalla negativ sosial kontroll.

Snakk med mangfaldsrådgivaren

IMDi sine mangfaldsrådgivarar har teieplikt. Hos oss kan du prate om det du tenker på. Vi lyttar og kan gi deg råd og hjelp.

Mangfoldsrådgivarane kan gi deg informasjon om kva for rettar du har, og du kan også snakke om rasisme og diskriminering.

Kontakt mangfoldsrådgivaren på skulen dersom du eller ein venn

• ikkje får lov til å ta val som er vanlege for din alder og modenskap
• har strenge grenser heime
• opplever sterkt sosialt press og høge forventningar
• lever eit dobbeltliv
• mistrivst på skulen grunna negativ sosial kontroll
• synest det er utfordrande å leve med fleire kulturar samtidig
• er bekymra for ei reise til utlandet
• er redd for å bli forlova eller gifta bort
• fryktar og/eller opplever vald, truslar eller tvang
• har spørsmål om kjønns- og seksualitetsmangfald, rasisme eller diskriminering

I tillegg til å jobbe direkte med ungdom, tilbyr mangfoldsrådgivarane rettleiing og kompetanseheving til hjelpeapparatet og tilsette i skulen.

Her kan du lese meir om ungdom og negativ sosial kontroll